"ہاں مجھے بالی ووڈ سے ایک فلم کی آفر ہوئی تھی جس میں کترینہ کیف بھی تھیں. لیکن میں نے وہ فلم کرنے سے منع کردیا. یہ کوئی پہلی بار نہیں ہوا بلکہ پچھلے چند برسوں میں بھارت سے کنسرٹ کے لیے سیکڑوں آفرز بھی موصول ہوئی ہیں لیکن میرے کچھ اصول ہیں جن پر میں سمجھوتہ نہیں کرتا"
یہ کہنا ہے معروف گلوکار ابرار الحق کا جنھوں نے مشی خان کے اپنے متعلق بنائے گئے وی لاگ پر انھیں کھری کھری سنا دیں.
ابرار الحق کا کہنا تھا کہ ان کے لئے بالی وڈ سے فلم کی آفر آنا اہمیت نہیں رکھتا بلکہ یہ چیز اہمیت رکھتی ہے کہ انھوں نے کتنے اسپتال بنائے اور سماج کی بہتری میں کیا کردار ادا کیا جو وہ پورے خلوص سے کررہے ہیں.
واضح رہے چند دن پہلے ایک انٹرویو میں ابرار الحق نے کترینہ کیف کے ساتھ اداکاری کی پیشکش کے متعلق انکشاف کیا تھا جس پر مشی نے ابرارالحق کے اس بیان کو جھوٹا کہا اور اسے سال کا سب سے بڑا لطیفہ کہا تھا.
البتہ ابرار الحق نے جوابی کارروائی کرتے ہوئے ایک ویڈیو بنا کر مشی خان کے لتے لیتے ہوئے کہا کہ اگر آپ لوگوں کو بالی ووڈ سے پیشکش ملے تو آپ شاید فوت ہوجائیں گے.